ገለ ኣመንቲ ኣሕዋት ካብ ቤት ማእሰርቲ ተፈቲሖም

ኣብ ዝተፈላለየ እዋን ንንውሕ ዝበለ ግዜ ብሰንኪ እምነቶም ብመንግስቲ ኤርትራ ተኣሲሮም ዝነበሩ ኣገልገልቲ ዝርከብዎም ገለ ዉሑዳት ኣሕዋት ካብ ሚሒንጥር ዝበሃል ማዓሰከር ቤት ማእሰርቲ ተፈቲሖም ከም ዘለዎ ምንጭታትና ኣረጋጊጾም ኣለዉ። መብዛሕቶም ካብዞም ዝተፈትሑ ኣሕዋት ብመንግስቲ ኤርትራ ኣዚዩ ሕሱም ግፍዕን ማእሰርትን ምስ ወረዶም ኣብ ህይወቶም ናይ ጥዕና ጸገማት ዘጋጠሞም ሰባት ምኻኖም ተረጋጊጹ ኣሎ። ጸሎት ጻድቕ ብግብራ ብዙሕ ተስልጥ እያ እሞ ነዞም ገና ዘይተፈትሑ ኣብ ዝተፈላለየ ስንጭሮታትን፣ ባዓትታትን፣ ኰንቴነራትን ቤት ማእሰርቲ ዝሳቐዩ ዘለዉ ኣሕዋትና ድማ ምጽላይ ኣይንሕደግ። ኣምላኽ ክነታት ፖሎቲካዊ ኢኮኒዮማዊ መንፈሳዊ ኩነታት ሃገርና ክልውጥ ምንም ኣይእግሞን እዩ። ኣምላኽ ስለቲ ኣብዛም ኣሕዋት ዝገበሮ መስተንክር ስርሑ ክብሪ ንሱሙ ይኹን።