www.bisrat.com

እዚ ዘለናዮ እዋን ዓለምና ብቴክኖሎጂዪ ዝማዕበለቱሉ ሰዓትን ዘመንን እዩ። ብኡ መጠን ከኣ ሰይጣን ነዚ ዓለምለኻዊ ምዕባለ እዚ ናብ ረብሑኡ የውዕሎን ከውዕሎ ኸኣ ይጋየ ኣሎ። እዚ ጥራይ ዘይኮነ ዘጨንቐና ግና ኣብዚ ናይ መወዳእታ ዘመን ንሕና ኣመንቲ በዚ ኣብ ዓለም ተኸፊቱ ዘሎ ምዕባለ ተጠቂምና ንመንግስቲ ኣምላኽ ከነስፍሕ እናኸኣልና ኢድና ኣጣሚርና ስቕ ከይንብል እዩ።

  እዚ ዘመን እዚ ከምቲ ኣብ ቁዱስ ጹሑፍ ተጠቒሱን ተባሂሉን ዘሎ ናይ መወዳእታ ዘመን እዩ። ኣብዚ ዘመን እዚ ኸኣ ኣሎ ዝተባህለ ምዕባለ ተጠቂምካ ወንጌል መንግስቲ ኣምላኽ ከነስፍሕ ይግባኣና ጥራይ ዘይኮነ ሰማያዊ ሓለፍነትና ምኻኑ ኸኣ ምፍላጥ ይግባኣናv ።

 

ብፍላይ ንሕና ኤርትራውያን ብሰንኪ ኣብ ሃገርና ዘሎ ህልዊ ኩነታት ከም ደቂ ዛግራ ኣብ ብዘላ ዓለም ፋሕ ኢልና ኣሎና። ኣብ ታሪኽ ተራእዩ ብዘይፈልጥ ኤርትራውያን ብባሕርን ብምድርን ብኣየርን ይስደዱ ኣለዉ። ዳርጋ መብዛሕቶም ከኣ ኣብ ዓቢ ተስፋ ቑርጸትን ሓገዝን ምጽንናዕ ዝደልዩሉ እዋና እዮም ዘለዎ። እዞም ፋሕ ዝበሉ መንእሰያትና ካብ ዓዶም ተሰዲዶም ምስ መጹ እውን ካልእ ዘሳድዶም ነገራት እውን ማእለያ የብሉን። ብቐንዱ ኸኣ መብዛሕቱኡ እዚ ፋሕ ኢሉ ዘሎ ህዝብና  ወንጌል መንግስቲ ኣምላኽን ምድሓንን ዘድልዮ እዩ። እዚ እቲ ቐዳማይ ዕማምና እዩ።

ካልእ ኸኣ ብዘይምግናን ንሕና ኣብ ፈቐዶ ፋሕ ኢልና ዘሎና ኤርትራውያን ኣመንቲ ነዚ ዘሎ ዓለምለኻዊ ምዕባለ ብፍላይ ከኣ ኢንተርነትን ማስ ሜድያን ከም ዝግባኣ ዝተጠቀምናሉ ኣይመስለናን። ዳራጋ እቲ ብቛንቛና ዘሎ ጹሑፋት ኮነ ካልኣ መንፈሳዊ ትሕዝቶ ዘለዎ ነገራት ዳራጋ ኣዚዩ ዉሑድ እዩ። ስለዚ ካብ ማንም ግዜ ንላዕሊ ነዚ ነገር እዚ ብዝሎና ዓቕሚ እንተግሃሉ እዋን እዩ። ካልእ እውን ኣሎ ኣብዚ እዋን እዚ ዘሰክፈና ነገር ኣሎ እሱ ኸኣ ብሰንኪ ኣብ ሃገርና ዘሎ ስርዓት ኮሚኒስትን  ጸቕጢ ቤተክርስትያን ተዓጽያ መንፈሳዊ ንጥፈታት ክድስክል ተባሂሉ ኸኣ ብዙሓት ኣሕዋትናን መራሕትናን ኣብ ፈቐዶ ጎዳግድን ቤት ማእሰርትን ባዕትታትን ተሓይሮምን ይሕየሩን ኣለዉ። ኣብ ሃገርና ኣብ ልዕሊ ኣመንቲ ዝወርድ ዘሎ ግፍዒ ማእለያ እካ እንተዘይብሉ እቲ ዝተነግረ ግና ኣዚዩ ሒደት ቁንጣሮ እዩ። ሎሚ ኣብ ፈቐዶ ሃገራት ፋሕ ኢልና ዘሎና ኣመንቲ ነዚ ንምቅላሕ ዓቢ ሓለፍነት ኣሎና። ኢደይ ኢድካ እንበሃለሉ እዋናት እዩ። ከመይ እንተበልና ጽባሕ ንግሆ ተሓተቲ ንሕና ስለ ዝኾና እዩ። ነዚ ኹሉ ኣብ ግምት ብምእታው እምበኣር ኢና ንሕና ኣገልገልቲ ኣግአልግሎት ፈነወ ዎንጌል ኤርትራ በቲ ኣምላኽ ጸጋ ዝሃበና ንጋደል ዘሎና።  

ነዚ ኣብ ላዕሊ ዝጠቐስናዮ ነገር ከኣ በቲ ዘሎና ዓቕሚ ክንብድሆ ተዳሊና ኣሎና። ድሮ እኳ ኣገልግሎትና ኣብ ኢንተርነት ተዓዚብኩምዎ ኣለኹም። ንሕና ግና በዚ ዕጉባት ኣይኮናን ካብዚ ንላዕሊ ክንሰርሕ ባህግን ተወፋይነትን ኣሎና እንተ ኾነ ግና ዘይተኣድነ ጸገም ግና ኣሎና። እሱ ኸኣ ፋይናሳዊ ጸገም እዩ። ስለዚ ኩሉኻትኩም ህዝቢ ኣምላኽ ኣብዚ ናይ መወዳእታ ዘመን ታሪኽ ሰሪሕና መታን ክንሓልፍሲ ነዚ ኣገልግሎት እዚ ብዝከኣለኩም መጠንን ጸጋን ከትሕጉዝና ብምሕረትን ፍቕሪ ጎይታና የሱስ ክርስቶስ ንምሕጸነኩም። ኣብዚ ግዜ እዚ ዓለም ነቲ ኣዚዩ ሩኹስን ሰይጣናውን ነገራት ማእለያ ዘይብሉ ነገር ከተጥፋኣሉ ኸላ ንሕና ግዳ ነዚ ናይ ኣምላኽ ዕዮን ስራሕን እሞ ኽኣ በረኸትን ዓስብን ዘለዎ ገንዘብና ጥራይ ዘይኮነ ገዛእ ርእስና ተወፈና እውን ኣይበዘሓን። ነዚ ዘይተበጽሐ ህዝብና ብወንጌል ክንበጽሖ ነዚ ኣብ ፈቐዶ ተበታቲኑ ዘሎ ሰብና ተስፋ ክንኮኖ። ነዚ ብሰንኪ ስም ክርስቶስ ኣብ ኤርትራ ዝሳቐ ዘሎ ምእመን ከኣ ኣፍ ክንኮና። ሃየ ኩላትና ሓገዝና ንምውፋይ ድሕር ኣይንበል። እቲ ቆጢቢ ዝዘርእ ቆጢቡ እዩ ዝዓጽድ እቲ ብልግሲ ዝህብ ግና በረኸትን ህይወትን እዩ ዝዓጽድ እሞ ህዝቢ ኣምላኽ ደጊምና ደጋጊምና የማናይ ኢድኩም ክትህቡና ብምሕረት ኣምላኽ ዳግማይ ንሓትት። ብምቕጻል ከኣ ዘሎና መደብን ዕላማን ነፋልጠኩም

1 ናይ ስነ ጹሑፍ ኣገልግሎት እዚ ኣግልግሎት እዚ ኣብ ኢንተርነት ዝተፈላለየ ናይ ትግርኛ ጹሑፋት ብምቕራብ ንኣንበብቲ ዝቐርብ እዩ ድሮ እኳ ዝተፈላልየ ብትግርኛ ዝተጻህፈ ጹሑፋት ቀሪቡ ይርከብ ብሕጂ እውን ዝተፈላለየ መጽሓፍትን ጹሑፋትን ከዳሉ እዩ።

2 ናይ መዝሙር ኣገልግሎት እዚ ኸኣ ተጠቀምቲ ኢንተርነት ዝተፈላለየ ናይ ትግርኛ መዛሙር ክስምዑ ተባሂሉ ናይ እቶም ኣለዉና እንብሎም ዘመርቲ መዛሙር ኩሉ ኣብ ዊብሳይትና ቀሪብናዮ ኣሎና። እዚ ከኣ ነቶም ዘለዉ ዘመርትናን ነቶም ብህጂ ዝመጹን ኣዚዩ መተባብዒ እዩ።

3 ናይ ቲቭ መድብ እዚ ኣገልግሎት እዚ ነቶም ኣብ ኤሮጳን ከምኡ ኸኣ ተኸታትልቲ ኢንተርነት ዝዓለመ እዩ ኣብ ዝሓጸረ ጊዜ ከኣ ክጅመረ እዩ።

ኩቡራት ኣሕዋት እዚ ኣብ ላዕሊ ዝጠቐስናዮ ካብቲ ብዝሕ መድብና ገለ ሒደት እዩ ስለዚ ኸኣ ኢና ሓገዝኩም ንደሊ ዘሎና ስለዚ ደጋጊምና ነዚ ራእይ እዚ የማናይ ኢድኩም ክትህብዎ መሊስና ብምሕረት ኣምላኽ ንሓተኩም።

ኤሪዎንጌል.ኮም (ብስራት.ኮም)